Бачу, думаю, пішу...

!!!!!!!!!!

Wed, 25 Jun 2008 21:05:07 GMT

ну нарэшце!!! я еду заўтра ў летнік!!!
так чакала 26, а зараз... як я буду там? дзе няма не Яго, не сябровак... будуць, канешне, людзі, з якімі мне прыемна адпачываць, але... колькі ўсяго я пакідаю на 3 тыдні ў горадзе?.. ужо сумую...

кажуць, сёняшнее ЦТ па біялогіі было вельмі-вельмі цяжкім... я раней збіралася здаваць яе, але... я ж перадумала)) 2 гады я рыхтавалася. нават атрымала мінушку: біёлаг)) не вельмі люблю, дарэчы, яе. толькі генэтыка вельмі падабаецца, гэта ж так цікава! ))

дык вось. я еду... мяне чакаюць новыя прыгоды!!!!!!!!!!!! ))))))))

Теленяня

Fri, 13 Jun 2008 18:49:42 GMT

вельмі добры канал ёсць на тэлебачанні. Теленяня. сёння даглядала малую, дык шукала нейкія мульцікі, патыкнулася на яго. гэта мне пашанцавала, бо выхоўваць дзіця на рэйнджерах і покемонах не хочацца зусім. а там савецкія добрыя казачкі ды мульты)) і цікавыя праграммы. падабаецца. нават дарослым цікава было б паглядзець(канешне тым, якія яшчэ памятаюць дзяцінства і не саромяюцца яго)

...

Fri, 13 Jun 2008 18:44:05 GMT

мая маці атрымала ў падарунак блендер(не ведае слоўнік гэтага слова... ). гэта яшчэ ў лютым адбылося. і вось некалькі тыдняў таму я яго апрабавала)) і вы ведаеце... гэта РЭЧ!!!

і вось яшчэ што: напрыклад, такая сітуацыя... пачалі дзяўчына з хлопцам сустракацца, прасустракаліся чатыры дні, а потым ён перастаў звяртаць на яе ўвагу. зусім. не адказвае не на смс, не на тэлефон. праз дзень яна яго сустракае, ён усміхаецца і... нічога не гаворыць. як гэта разумець, га?

дзіцячы лагер

Fri, 13 Jun 2008 18:36:28 GMT

26.06 я еду ў дзіцячы лагер!!! ооо, як жа я чакаю гэтага!.. кожнае лета я трапляю ў якісьці лагер, і не магу ўявіць адпачынку без гэтага)) я яшчэ наступным летам спадзяюся туды трапіць... скончу 11 клас... здам ЦТ... і на сапраўдны адпачынак!!! не разумею тых, хто не жадае ехаць туды, бо гэта вельмі весела! канешне, калі ты хочаш, каб было весела))
а вы як ставіцеся/ставіліся да такога адпачынку? ))

Юля Савичева "Легкие"

Fri, 13 Jun 2008 18:29:05 GMT

Параллельными мирами двигаться сложно
Прикоснись ко мне губами - знаешь, так можно
Смотри я отрываюсь и ныряю прямо в небо
Давай со мной лети за мной
Победа в небе

Мы легкие, легкие
Смелые, смелые
Пьяные, пьяные
Мы вечные, вечные
Звонкие, звонкие
Самые, самые

Ты мудрей и старше, ты большой и отважный
Я люблю тебя и остальное не важно
Давай уже иди сюда смотри как я летаю
Сначала вверх, а там куда не знаю
Знаю

Мы легкие, легкие
Смелые, смелые
Пьяные, пьяные
Мы вечные, вечные
Звонкие, звонкие
Самые, самые

нешта падсела на Юлю... а падабаецца мне яна! і яна, і музыка, і словы!..
только вось не магу адну песню знайсці... (( "Ядерный взрыв" называецца...

Будце уважлівы і асцярожны!

Wed, 04 Jun 2008 05:29:54 GMT

гэта мой перадапошні пост. вырашыла, што больш пісаць не буду. чаму перадапошні? таму што будзе яшчэ адзін здымак(для спадара dominus_fatum). а мо... я калі-небудзь збіруся і напішу пра тое, як жа змяняюцца людзі... але гэта вельмі не дакладная інфармацыя...
калі што, знайсці мяне можна напісаўшы вось сюды: fynechka@mail.by

усім поспехаў і дзякуй.

і некалькі маіх здымкаў:

чытальная зала

Mon, 02 Jun 2008 20:00:49 GMT

ніколі не атрымлівалася чытаць толькі адну кнігу... вось што я зараз чытаю:
1. Милан Кундера "Бессмертие"(гэта асноўнае)
2. Мишель Монтиньяк "Секреты питания Монтиньяка"(сястрыца прымушае чытаць... )
3. "Мысли, афоризмы и шутки выдающихся женщин"(некаторыя буду пакідаць у ЖЖ)
4. Аляксей Дудараў "Князь Вітаўт"(гэта так кніга называецца, а твораў у ей шмат)
5. Маргарет Митчелл "Унесенные ветром"(перачытваю ўжо не ведаю які раз, бо вельмі-вельмі падабаецца)
6. Арина Холина "Законы высшего общества"(хм... чытаю... калі няма чаго рабіць... калі зусім няма чаго рабіць... )

а што чытаеце зараз Вы? ))

Маша

Sat, 24 May 2008 07:34:06 GMT

хай прабачыць мяне мая сяброўка, але гэты здымак... ён такі прыгожы!!!!!! ))))))

Дарэчы, альбом Земфіры "Спасібо" - гэта нешта неверагоднае))

шмат усяго)))))))

Sat, 24 May 2008 07:23:26 GMT

1. я скончыла 10 клас!!! гэта маё апошняе лета, калі я адпачываю і не думаю пра вучобу))
2. за апошнюю чвэрць я атрымала 7 па фізіцы!!! гэта маё асабістае дасягненне, вось гэтай адзнакая я магу ганарыцца))
3. але ж я не ведаю, куды мне паехаць... выбіраю паміж Піцерам, Варшавай і Херсонам... ))))
4. грошы. у мяне іх зноў няма. дзе можа папрацаваць улетку дзяўчына 16 год???
5. я вырашыла, куды я пайду пасля школы!!! раптам нашла сваё, раней просто не ведала, дзе шукаць)) БДУ, Філалагічны факультэт, беларуская філалогія, беларуская мова як замежная. з мяне будзе: філолаг, выкладчык беларускай мовы і літаратуры, беларускай мовы як замежнай.
6. дзяўчыны(і хлопцы таксама), мо хто з вас ведае, дзе ў Мінску можна набыць клатч??
7. я набыла ролікі!!! зараз катаюся ў Сухарава)))) дакладнее, еду ад свайго Паўдневага-захаду да Сухарава))
8. а яшчэ... мне кажуць апоші час, што я стала вельмі рамантычная...
9. вельмі-вельмі хочацца зпадарожжнічаць у Дудудкі!!! калі хто надумае - я заўсёды гатова))
10. чаму мне падабаюцца выключна тыя хлопцы, якім я не падабаюся? нават не так... пакуль у мяне з хлопцам добрыя адносіны, ён мне ну так... млжна казаць не падабаецца. а вось калі мы з ім пасварыліся - тады дакладна падабаецца... і чаму я такая дурная?

ха!

Wed, 14 May 2008 16:43:13 GMT

вось я тут падумала... калі я заўтра памру, што будзе? будуць сумаваць заўтра, яшчэ тры тыдні, год, 5 год(калі пашанцуе)... а потым? забудуцца... не тое каб зусім, але ўсё ж такі... бацькі, канешне, не забудуцца, мо ім нават будзе мяне не хапаць... а вось іншыя... дык вось... я падумала, ці ёсць якая розніца памру я заўтра альбо праз 60 год? я ж не таленавітая, не разумная, ніякая. ці ёсць розніца, ад якога моманту пачынаць адлік гэтага суму па мне?

Дудудкі!!!

Wed, 14 May 2008 16:33:07 GMT

мо хто хоча звазіць мяне ў Дудудкі? ))
там добра... прыгожа... а яшчэ... можно смачна-смачна паесці))
едзем?

еду

Fri, 02 May 2008 11:04:09 GMT

сёння еду да бабулі ў Калінкавічы. да аўторка. буду сумаваць па вас, ЖЖ-сябры і сябры ўвогуле))))

Алёнка

Thu, 01 May 2008 16:24:54 GMT

адбываюцца дзіўныя рэчы ў маім жыцці...
змяняюцца мае сябры....
не, не ўсе канешне)) да іх і няшмат.
вось я думаю, а ці існуе сяброўства паміж дзяўчынамі? мабыць існуе, але гэта ўжо павінна быць не сяброўства, а нейкае амаль радство. была (пішу "была", але спадзеюся, што магу яшчэ пісаць "ёсць") у мяне сяброўка. сварыліся мы часта, абедзве з характарамі складанымі, але... потым яксьці згладжваліся адносіны і ўсё было добра. па-першае, хочацца адзначыць, што на мой погляд, калі дзяўчыны пачынаюць сварыцца з-за хлопцаў - гэта не сяброўкі. так адбылося з намі. пасварыліся. дрэннае становішча было. і зараз дрэннае. а што рабіць? што я ёй скажу? а ці трэба?..
яксьці, здаецца ў лютым, мы з ёй размаўлялі па тэлефоне. і я ёй казала: "Алёнка, трымай маё пракляцце: ты будзеш са мной сябраваць усё жыццё!" пасмяяліся. яна кажа: "каму ж нас яшчэ ў гэтым выпадку не пашанцавала?". і сапраўды... я ж не маю звычкі жаліцца сябрам, больш яны - мне...
а зараз... ці памятае яна маё "пракляцце"?

ЧШ

Sun, 27 Apr 2008 19:43:43 GMT

толькі адзін здымак.

хм... прабачце... назва "зад БТ".
ну вельмі захацелася... ;)

АЭС: было альбо не?

Thu, 24 Apr 2008 05:42:24 GMT

http://www.charter97.org/ru/news/2008/4/23/6053/

падсела на тэсты...

Fri, 18 Apr 2008 11:53:42 GMT

Не берусь утверждать, но вам близка - Ванесса Редгрейв

Красивая голубоглазая леди с тонко вырезанными чертами лица, - вы привлекаете внимание особым благородством своего экранного присутствия, чувствующимися за ним волей и стремлением к независимости. Классическая актриса шекспировского театра, в кино вы воплощаете аристократичность и стиль. Страстно отстаивая права тех, кого по вашему мнению притесняют, вы умеете проявлять доброту и несгибаемость в вопросах чести.
http://aeterna.ru/test.php?link=tests:14105

эх... колькі я ўжо не была на сцэне... (( "Раскідагае гняздо" павольна прайшло міма...

БССР

Thu, 17 Apr 2008 18:00:55 GMT

звяртаючыся да вось гэтай спасылкі: http://ussr.km.ru/gerb/republics/bssr.html

вось што хочацца адзначыць...
1. герб. мы бачым з аднаго боку надпіс: "Пролетарии все стран, соединяйтесь!". а з іншага той жа надпіс, але па-беларуску: "Пролетарыі ўсіх краін, еднайцеся!". цікава, калі ж быў прыняты закон якання? бо павінна пісацца менавіта "яднайцеся", а не "е...". звярнулася да слоўніку. слоўнік - звычайны трохтомнік 1994 года. глядзела слова "соединяйтесь". там нават ёсць гэтае выказванне! і гучыць яно вось так: "Пралетарыі ўсіх краін, яднайцеся!". вось так.
2. гімн.

Мы беларусы, з братняю Руссю
Разам шукалі к шчасцю дарог.
Ў бітвах за волю, ў бітвах за долю
З ёй здабылі мы сцяг перамог!

Прыпеў:
Нас аб’яднала Леніна імя,
Партыя к шчасцю вядзе нас ў паход.
Партыі слава! Слава Радзіме!
Слава табе, беларускі народ!

Сілы гартуe, люд Бeларусі
Ў братнім саюзe, ў мужнай сям’і
Вeчна мы будзeм, вoльныя людзі,
Жыць на шчаслівай, вoльнай зямлі!

Прыпеў:

Дружба нарoдаў – сіла нарoдаў,
К шчасцю працoўных сoнeчны шлях
Гoрда ж узвіся ў свeтлыа высі,
Сцяг камунізма – радасці сцяг!

Прыпеў:

ну не ведаю... мне яксьці не гучыць: "шукалі к шчасцю дарог...".

а ўжыванне "ў" увогуле на "вышыні"... мо пісаў не беларус, а мо беларусы зараз такія...

песні

Thu, 17 Apr 2008 10:02:02 GMT

1. "... Мы, беларусы, з братняю Руссю шукалі да шчасця дарог. У бітвах за волю, у бітвах за долю нас гэты шлях перамог... " Н.Р.М. - Маё пакаленне

2. "... Разам з братамі мужна вякамі мы баранілі родны парог, у бітвах за волю, бітвах за долю свой здабывалі сцяг перамог!.. " Дзяржаўны гімн РБ

супадзенне?!

школьнае

Thu, 17 Apr 2008 09:49:46 GMT

аўторак. расклад:
1. матэматыка
2. ЧГД(чалавек грамадства дзяржава)
3. фізічная культура
4. руская мова
5. руская літаратура
6. англійская мова

дык вось. прыйшла я ў школу як звычайна амаль у 8.00, але ж усё ж такі не спазнілася))
1. на матэматыцы можна нічога не рабіць, калі табе гэта не патрэбна альбо калі няма настрою штосьці рабіць. туды ўвогуле дазваляецца не прыходзіць(так кажа настаўніца)... у мяне настрою не было, бо вельмі хацелася спаць. як вынік: нічога не рабіла...
2. глядзелі абарону навуковых работ па гісторыі. нічога не рабілі па ЧГД...
3. сядзелі ў зале. хм... нічога не рабілі!
4. замест мовы была літаратура. распавядала(дарэчы, вельмі нудна, як заўсёды нецікава) пра свет Л. М. Талстога. лепш пачытаем ў падручніку... не слухалі, размаўлялі паміж сабой, нічога істотнага не рабілі.
5. сказалі настаўніцы, што будзем вучыць англійскую мову, бо ў нас тэст. а тэст быў толькі ў адной групе з трох... і да яго не трэба было рыхтавацца. ведаеце, што мы рабілі? нічога!
6. тэст. у маёй групе. на 15 хвілін. потым сядзелі, гутарылі з настаўніцай пра візы ў Польшчу. як і ўвесь дзень гэтыя 45 хвілін ніяк не паўплывалі на маю адукацыю...

канешне, нельга прадказаць, што мы будзем рабіць(альбо не рабіць) у школе, але... сёння чацвер, і я дакладна ведаю, што нічога не прапусціла з-за таго, што не пайшла ў гэтую крыніцу ведаў... у чацвер гэта звычайная справа... ((

здымак зроблен у нашай школе...

добрае!

Sat, 12 Apr 2008 22:17:21 GMT

добрая кампанія
добрая гутарка
добрыя спевы
добры настрой
добры дзень
добры сон(спадзяюся!)
добрае жыццё складаецца з вось такіх частачак))

за ўсё гэта дзякуй спадарам by_dialog, dominus_fatum, julia_fox !!!

комп

Fri, 04 Apr 2008 11:44:50 GMT

з маім кампом зноў нешта робіцца, часам мне ўвогуле здаецца, што ў яго нейкае сваё асабістае жыццё... ўчора я палазіла ў параметрах, нешта нарабіла... і гэтая машынапісь (нарэшце) адключылася)) АЛЕ... я не магу зайсці ў чат(( такое ўжо раз было, але ж тады "хварэў" толькі Firefox, а зараз яшчэ і Explorer(( зноў не ведаю, што рабіць... трэба выкідаць гэты комп альбо мяне не падпускаць да яго...

безназоўнае

Wed, 02 Apr 2008 11:05:02 GMT

нават не ведаю з чаго пачаць... вось. я вучуся ў 10 класе з вывучэннем ангельскай мовы на павышаным узроўні ў звычайнай сярэдняй школе г. Мінску. зараз па беларускай літаратуры мы праходзім творчасць Янкі Купалы. спачатку вывучаем лірыку, потым - "Раскіданае гняздо". сёння быў першы ўрок у гэтай чвэрці, на які мы і павінны былі прачытаць п'есу. па-першае, яе прачыталі 10 чалавек з 25. у школе гэта звычайная справа. камусьці не хапіла часу, камусьці яшчэ чаго... а тым хто прачытаў, твор альбо ўвогуле не спадабаўся, альбо яны засталіся абыякавымі да яго падзей. адна дзяўчына, якая дарэчы даволі добрая і старанная вучаніца, нават сказала, што яна б на месте Янкі Купалы выкінула бы з твора вобраз Незнаёмага, які ёй здаўся непатрэбным і незразумелым. астатнія не лепш... кажуць, што вобразы дурныя і незразумелыя. так, вобразы ў п'есе складаныя, але гэта яшчэ і лепш. мо яны думалі, што заўсёды будуць пра каханне чытаць, напрыклад такія творя як "Паўлінка" або "Ідылія". дык не!!! жыццё ж не такое.
а вось што адбылося ўчора. так атрымалася, што на ўроку мы проста сядзелі і размаўлялі. размова зайшла пра тое, што не вельмі нам падабаецца руская класіка і не хочацца яе чытаць. мне, на самой справе, далёка не ўсе творы, што мы вывучаем па рускай літаратуры падабаюцца, але... прагучалі такія словы: "я считаю, что белорусская литература вся одинаковая и ее вообще не надо изучать. и белорусский язык надо запретить, ведь мы все равно на нем не разговариваем, мы же не в деревне живем". вось і ўсё, вось...
ніякіх каментароў з майго боку не хачу даваць, вось вам і моладзь, разумею, што ўсе розныя, але... эх... нават не ведаю, як зараз знаходзіцца сярод гэтых людзей. чула б наша папярэдняя настаўніца, якая, дарэчы, мяне і выхавала, што гавораць яе вучні, я не магу ўявіць, што б з ёй зрабілася. мо і адразу б на той свет...

прапанова. добрая(на мой погляд)

Tue, 01 Apr 2008 19:29:16 GMT

Прапаную ўсім чытачам майго ЖЖ АКТЫЎНА падтрымаць спробу беларусізацыі апэратару мабільнай сувязі МТС. Паспрабуем давесьці кампаніі пра неабходнасьць зьяўленьня галасавой інфармацыйнай сыстэмы МТС па-беларуску. Калі кіраўніцтва кампаніі пойдзе на гэты цалкам натуральны крок, то больш за тры мільёны белаурсаў змогуць штодня чуць у сваіх слухаўках родную мову.

Ніжэй падаецца тэкст звароту, які вы можаце выкарыстоўваць (капіяваць) і дасылаць на адрас кампаніі:

-----------------------------
Генэральнаму дырэктару
СТАА «Мабільныя ТэлеСыстэмы»
Карповічу У. С.

Паважаны Уладзімір Сігізмундавіч, зьвяртаюся да Вас як да генэральнага дырэктара СТАА "Мабільныя ТэлеСыстэмы" зь вельмі важным для беларусаў пытаньнем і прапановаю.

Ваша кампанія працуе на беларускім рынку ўжо шмат гадоў і зарэкамэндавала сябе, як вельмі адказны і прафэсійны прартнэр. Тым ня менш мяне, як беларускамоўнага карыстальніка паслуг Вашай сеткі, вельмі хвалюе адсутнасьць магчымасьці паўнавартасна атрымліваць паслугі Вашай кампаніі на сваёй роднай мове.

Паводле артыкула 17 Канстытуцыі Рэспублікі Беларусь беларуская мова зьяўляецца дзяржаўнаю моваю ў краіне, аднак да гэтуль паслугі вашае кампаніі прадстаўляюцца толькі па расейску ды на ангельскай мове. Вельмі прыемна, што існуе беларускамоўная вэрсія афіцыйнай старонкі Вашай кампаніі ў Інтэрнэце (хоць й ня ўсе яе функцыі даступны ў беларускамоўным варыянце). Аднак большасьць карыстальнікаў Вашай сеткі зьяўляюцца ўсё ж такі не наведвальнікамі сайту, а карыстальнікамі галасавых паслуг. Абанэнтская база Вашае кампаніі налічвае больш за тры мільёны карыстальнікаў. Натуральна, што вялізарная колькасьць зь іх зьяўляюцца носьбітамі беларускае мовы. Пад час апошняга перапісу каля 85% насельніцтва роднай мовай назвалі беларускую. Думаю, што сярод карыстальнікаў паслуг Вашае кампаніі гэтыя лічбы будуць падобнымі. Упэўнены, што пачуўшы ў слухаўцы родную мову павага да Вашае кампаніі і жаданьне карыстацца яе паслугамі ў ніх толькі ўзрасьце.

Ужо даўно ні для каго не зьяўляецца сакрэтам, што беларуская мова ёсьць знакам элітарнасьці. Буйнейшыя кампаніі сьвету пры прасоўваньні сваіх прадуктаў на беларускім рынку абіраюць беларускую. Сацыялягічныя апытаньні і апытаньні на старонках буйнейшых інтрэнэт-сайтаў сьведчаць на карысьць беларускай мовы. Да таго ж некаторые мабільныя апэратары сотавай сувязі ў Беларусі ўжо выкарыстоўваюць у сваёй працы з кліентамі беларускую мову.

Таму я заклікаю Вас зрабіць узаемавыгадны крок насустрач вашым кліентам і пашырыць выкарыстаньне беларускае мовы ў нашых з Вамі стасунках. Вельмі спадзяюся, што ўжо ў найбліжэйшы час галасавая інфармацыйная сыстэма МТС будзе мець магчымасьць задаволіць патрэбы беларускамоўных карыстальнікаў. Мне і многім маім сябрам, як і мільёнам іншых беларусаў, што часам ня могуць датэлефанавацца да сваіх родных ці знаёмых, у дадатак да звыклых "Абонент временно не доступен, перезвоните позже" і "The subscriber is not available now, please, call back later" будзе вельмі зручна і прыемна пачуць хоць і несуцяшальнае, але ж роднае "Абанент часова не даступны, ператэлефануйце пазьней".

Прашу апавясьціць мяне аб прынятым Вамі рашэньні.

З удячнасьцю, Прозвішча Імя.
-------------------------------

Тэкст звароту неабходна даслаць па наступных адрасах (не абмяжоўвайцеся толькі электроннай поштай і скарыстайцеся паслугамі традыцыйнай):

СТАА «Мабільныя ТэлеСістэмы»
пр-т Незалежнасці, 95
Мінск, 220043
Рэспубліка Беларусь

Факс: (+375 17) 237-98-89

Email: 0890@mts.by

Таксама трэба скарыстацца формай зваротнай сувязі кампаніі на яе сайце: http://www.bel.mts.by/feedback.html
-------------------------------
Перадрук у свае блёгі, форумы і інш., альбо распаўсюджванне яксьці па-іншаму вітаецца. Калі гэтую інфармацю чытаюць журналісты, то буду ВЕЛЬМІ ўдзячна за падтрымку.

=))

Mon, 31 Mar 2008 12:00:24 GMT

віншую сябе з новым абуткам))

я и техника

Fri, 28 Mar 2008 08:52:45 GMT

у меня тут небольшая проблемка... я что-то нажала на клавиатуре и циферки, те что сверху находятся, перепутались. то есть циферки как раз-то на месте, а вот значки, которые там перепутались... я, конечно, привыкну, но всё равно как-то нехорошо... мне сказали, что это какая-то машинопись... а вот как её убрать, я не знаю...

p.s. пісала па-руску, бо вельмі злуюся... ((